Müqavilə № ______
Bakı şəhəri 19 noyabr 2019
Mövlana Ədəbi-Fəlsəfi Araşdırmalar Mərkəzi (bundan sonra MƏFAM) ilə bağlı birgə fəaliyyət haqqında bu müqavilə (bundan sonra “Müqavilə” adlandırılacaq), bir tərəfdən Xəzər Universitetinin təsisçisi, Direktorlar və Qəyyumlar Şurasının Sədri şəxsində Hamlet İsaxanlı Abdulla oğlu (bundan sonra Təşkilatçı adlandırılacaq), digər tərəfdən NAB Holdinqin Vitse-prezidenti şəxsində Mohəqqeq Oromi Şəhram İbrahim oğlu (bundan sonra Himayəçi adlandırılacaq) arasında bağlanılmışdır.
Tərəflər aşağıdakılar barədə razılığa gəlirlər:
- Müqavilənin predmeti
1.1. Təşkilatçı və Himayəçinin birgə fəaliyyətinin predmetini MƏFAM-ın təsis və idarə olunması, eləcə də öhdəliklərin bölünməsi təşkil edir.
- Əsas müddəalar
2.1 “Mövlana Ədəbi-Fəlsəfi Araşdırmalar Mərkəzi” qısaca “MƏFAM”, heç bir siyasi partiya və cərəyana, eləcə də, heç bir dini cərəyana, məzhəbə və topluma aid olmayan müstəqil araşdırma mərkəzidir;
2.2 “MƏFAM”, Azərbaycanın paytaxtı Bakı şəhərində yerləşən Xəzər Universitetinin nəzdində təsis olunur;
2.3 “MƏFAM”, Xəzər Universitetinin digər araşdırma mərkəzləri kimi universitet tərəfindən idarə olunur;
2.4 “MƏFAM” ın İdarə Heyəti bu mərkəzin baş ofisindən başqa, ölkənin müxtəlif regionlarında və digər xarici ölkələrdə şöbə açılması və digər mövzularla bağlı qərar qəbul etmək və ya mövcud qərarları ləğv etmək hüququna malikdir;
- Tərəflərin hüquq və öhdəlikləri
3.1 Təşkilatçının öhdəlikləri
3.2 Universitet daxilində “MƏFAM” üçün iş yerinin ayrılması;
3.3 Mərkəzə gələn qonaqların qarşılanması və yerləşdirilməsi;
3.4 Kitabların , məqalələrin və digər materialların hazırlanması və çap edilməsi;
3.5 Himayəçinin öhdəlikləri
3.6 Qonaqların gediş-gəliş xərclərinin təmin olunması;
3.7 “MƏFAM” üçün ayrılmış iş yerinin lazımi avadanlıqlarla təmin olunması;
3.8 Mərkəzə koordinatorun təyin olunması (Birinci il koordinatorun aylıq maaşı himayəçi tərəfindən ödəniləcək. Bir ildən sonra mərkəz orda araşdırma işləri ilə məşğul olan tədqiqatçılar tərəfindən idarə olunacaq);
3.9 Mərkəzin loqosunun seçilməsi üçün müsabiqənin keçirilməsi;
3.10 Kitabların, məqalələrin və digər materialların çap xərclərinin (birinci il) qarşılanması.
- MƏFAM-ın fəaliyyət sahələri
- Hər həftə, yaxud ayda iki dəfə Araşdırmalar Mərkəzinin fəaliyyəti ilə bağlı iclasların keçirilməsi;
- Mövlananın Azərbaycan cəmiyyətinə düzgün tanıdılması və dahi mütəfəkkirin layiqincə dəyərləndirilməsi;
- Ölkədə və xaricdə olan universitetlər, institutlar, kitabxanalar, təhsil ocaqları və ədəbi araşdırma mərkəzləri ilə əməkdaşlığın yaradılması;
- Mövlana fəlsəfəsi və ümumilikdə bədii ədəbiyyatda uyğun mövzularla bağlı ədəbi-fəlsəfi araşdırmalar aparmaq, bütün dövrlərin ədəbiyyatındakı hikməti araşdırmaq;
- Mövlana fəlsəfəsi və ümumilikdə ədəbi-fəlsəfi ədəbiyyatla bağlı kitabların toplanılması;
- Ölkədən və xaricdən bu sahələrdə tanınmlış alimlərin dəvət olunması və onlarla fikir mübadiləsi aparılması;
- Azərbaycanın və digər ölkələrin böyük sufilərinin tanıdılması, öyrənilməsi və ümumilikdə fəlsəfə mədəniyyətinin inkişafı məqsədi ilə seminarların, konfrans və simpoziumların keçirilməsi;
- Konfransların, simpoziumların, məclislərin videolentə alınması və mediada, sosial şəbəkələrdə yayımlanması;
- Xəzər Universitetinin nəzarəti altında Mövlana Ədəbi-Fəlsəfi Araşdırmalar Mərkəzinin internet səhifəsinin yaradılması;
- Fəlsəfə, təsəvvüf və hikmət mövzuları ilə əlaqədar istifadə olunacaq kitabların, məqalələrin və digər məlumat bazasının hazırlanması, müxtəlif dillərdə yazılmış kitabların, elmi əsərlərin incələnməsi və ehtiyac olan ədəbiyyatın Azərbaycan dilinə tərcümə olunması;
- Mövlananın dərin düşüncələrinin ölkə cəmiyyəti arasında yayılması və insanların bu sahədə dünya görüşünün artırılması məqsədi ilə fəlsəfə, təsəvvüf və hikmət mövzularında əyani və online dərslərin keçirilməsi, bu sahədə araşdırma aparanlara mərkəzin imkanlarından istifadə edilməsinə şərait yaradılması;
- Fəlsəfə, təsəvvüf və hikmət mövzuları ilə əlaqədar qısametrajlı filmlərin lentə alınması, həmçinin mövzu ilə əlaqədar olaraq xəttatlıq, rəssamlıq, heykəltaraşlıq müsabiqələrinin və sərgilərinin keçirilməsi;
- Fəlsəfə, təsəvvüf və hikmət mövzuları ilə əlaqədar atelyelərin açılması;
- Mövlana Cəlaləddin Ruminin Məsnəvi əsərinin oxunması, şərh edilməsi;
- Müxtəlif poeziya və musiqi gecələrinin keçirilməsi;
- Elmi-fəlsəfi səyahət turlarının təşkil edilməsi.
- “MƏFAM”ın maliyyə mənbələri və gəlirləri
- Fiziki və hüquqi şəxslər tərəfindən ödənilən üzvlük haqları;
- Mərkəzin fəaliyyətləri nəticəsində əldə edilən gəlirlər;
- İstər Xəzər Universiteti, istər digər universitetlərin tələbələrinin elmi araşdırma fəaliyyətləri, eyni zamanda təşkil olunmuş tədbirlər nəticəsində əldə edilmiş maliyyə mənbələri və vəsaiti;
5.4 Müxtəlif qrantların alınmasından əldə edilə vəsait.
Təşkilatçı:
Hamlet İsaxanlı Abdulla oğlu
Xəzər Universitetinin təsisçisi,
Direktorlar və Qəyyumlar Şurasının Sədri
İmza:_______________ Tarix ___________________
Himayəçi:
Mohəqqeq Oromi Şəhram İbrahim oğlu
NAB Holdinqin Vitse-prezidenti
İmza: ______________ Tarix __________________